கர்த்தர் தம்முடைய ஜனத்தின்மேல் பிரியம் வைக்கிறார்.

சனிக்கிழமை, 6 ஜனவரி 2024 இன்றைய நம்பிக்கையின் வார்த்தை:கர்த்தர் தம்முடைய ஜனத்தின்மேல் பிரியம் வைக்கிறார்; சாந்தகுணமுள்ளவர்களை இரட்சிப்பினால் அலங்கரிப்பார். சங்கீதம் 149:4 * கர்த்தர் உங்களை அதிக ஆழமாய் நேசிக்கிறார். அவருடைய அடிச்சுவடுகளைப் பின்பற்றுவதற்கான உங்கள் முடிவில் அவர் மகிழ்ச்சியடைகிறார்.* உங்கள் வாழ்க்கையின் ஆசீர்வாதங்கள் அனைத்துக்கும் அவர் ஆதாரமாயிருக்கிறார். மேலும் இந்த உலகில் உங்களைச் செழிக்கச் செய்ய அவர் விரும்புகிறார்.* தேவனின் பிள்ளையாய் இருப்பதன் மிக முக்கியமான அம்சம், அவரைச் சார்ந்திருப்பதும், அவருடைய வழிகளில் நம்பிக்கை வைப்பதும், அவருடைய அறிவுரைகளுக்குக் கீழ்ப்படிவதும் ஆகும். * வாழ்க்கையின் சவால்களில் மூழ்குவது எளிது. என்றாலும் நீங்கள் தேவன்மீது உங்கள் நம்பிக்கையை வைக்கும்போது, அவர் ஒவ்வொரு சூழ்நிலையிலும் உங்களை வழிநடத்துவார்.* தாழ்மையுடன் இருந்து உங்கள் திட்டங்களைத் தேவனிடம் ஒப்புக்கொடுங்கள். அவர் உங்களை விரும்பிய இலக்கை நோக்கி அழைத்துச் செல்வார்.* அப்படிச் செய்தால் நீங்கள் அவருக்கு மகிழ்ச்சியைத் தருவீர்கள். * நீங்கள் கர்த்தரைப் பிரியப்படுத்த முற்படும்போது, அவருடைய ஆசீர்வாதங்களைப் பூரணமாய் அனுபவிக்க உங்களை ஒப்புக் கொடுக்கிறீர்கள்.* அவருடைய வழிகாட்டுதல்களைக் கவனமாகப் பின்பற்றுவதன் மூலம் உங்கள் முயற்சிகளெல்லாவற்றிலும் வெற்றி பெறுவீர்கள்.* உற்சாகம் கொள்ளுங்கள். ஆச்சரியமான ஆசீர்வாதங்களுக்காய் நீங்கள் குறிக்கப்பட்டிருக்கிறீர்கள்.* நீங்கள் தொடர்ந்து விசுவாசத்தில் நடக்கும்போது, உங்கள் வாழ்க்கையில் அவருடைய கரம் கிரியை செய்வதைக் காண்பீர்கள். ஜெபம்: கர்த்தராகிய இயேசுவே, உம்மை முழுமையாய் நம்பவும், உமக்குப் பிரியமான நபராயிருக்கவும் எனக்கு உதவிச் செய்யும். உமது சித்தம் என் வாழ்வில் நிறைவேறட்டும், நான் எப்பொழுதும் உம்மைப் பிரியப்படுத்த முற்படுவேன். ஆமென்.